bas ab bahut ho chuka
ab isse jyada main seh nahi sakti
aao aamne-saamne baithkar hisaab kar le
jo aaj tak ek dusre ko diya hai woh vaapis lele
maine kharcha hai aaj tak jo
woh sab lauta do mujhe
woh lanhe intezaar ke...
woh ummeedon se bhare khayal
woh sapno ka ghar...
woh chandni raatein...
lauta do sab kuch...
woh adhuri chaahat ... woh mulaaqaatein
le jao apna saamaan
woh gam woh adhure armaan
woh naakaam muhobbat...
woh ankahe jazbaat...
woh toote sapne saare...
woh anchhalke aansoo...
le jao sab kuch...
maine bahut saha hai...
ab tum saho kuch.
bas, tumhari ek cheez apne paas rakh rahi hu
"tumhari yaadein"
jo tumse bahut acchi hain...
chaho to uske badle tum mera dil rakh lo
jismein aaj bhi tumhare liye muhobbat basi hai
bahut diya hai tumne ek muhobbat ke siva
aur main ...
main naakaam muhobbat ke alaava kuch de na saki..
mujhe maaf kar do.
Return to Main Page
